Yeni seçki faiz sıralamasını necə dəyişdi?
Rəsmi nəticələrə görə, İlham Əliyev 11 aprel 2018-ci ilin prezident seçkisində 86,02 faiz səs toplayıb. Novator.az bildirir ki, bu, İlham Əliyevin ikinci ən yüksək göstəricisidir.
İlk dəfə dövlət başçısı mandatı aldığı 2003-cü ilin 15 oktyabr seçkisində İlham Əliyev 76,8 faiz səs yığıb, 15 oktyabr 2008-ci il seçkisində 88,7 faiz səslə, 9 oktyabr 2013-cü il seçkisində 84,5 faiz səslə qalib olub.
Ümumxalq səsverməsi ilə seçkilərdə rekord Heydər Əliyevə məxsusdur. O, 1993-cü il oktyabrın 3-də keçirilən seçkidə 98,8 faiz səslə prezident seçilib.
11 oktyabr 1998-ci il seçkisində isə Heydər Əliyev 76,1 faiz səs toplayıb.
1991-ci il sentyabrın 8-də keçirilən seçkidə Ayaz Mütəllibov 98,5 faiz səslə qalib gəlib.
7 iyun 1992-ci il seçkisində Əbülfəz Elçibəy 59,4 faiz səslə prezident seçilib. Bu, ən aşağı rəsmi nəticədir.
Azərbaycan 1990-cı ildə prezident idarə üsuluna keçib. İlk prezident – Ayaz Mütəllibov 1990-cı il mayın 18-də parlamentdə seçilib.
