Yeni doğulanlar: qızların xüsusi çəkisi 47,3 faizdir
2018-ci ilin əvvəlindən ölkə əhalisinin sayı 0,1 faiz artaraq martın 1-nə 9 milyon 911 min 472 nəfərə çatıb. Novator.az-ın məlumatına görə, Dövlət Statistika Komitəsi bildirir ki, əhalinin 49,9 faizi kişilər, 50,1 faizi qadınlardır. Hər 1000 kişiyə orta hesabla 1004 qadın düşdüyü qeyd olunur.
Ədliyyə Nazirliyinin qeydiyyat şöbələri yanvar-fevral ayları ərzində 23 min 331doğulmuş körpə qeydə alıb. Yeni doğulan körpələr arasında qızların xüsusi çəkisi 47,3 faiz olub. Hər 100 doğulan qıza 112 oğlan düşür (bioloji norma 105-107-dir).
2018-ci ilin yanvar-fevral aylarında ölkədə 10 min 500 ölüm halı qeydə alınıb, 8065 nikah, 2383 boşanma rəsmiləşib.
Daxili İşlər Nazirliyi və Dövlət Miqrasiya Xidməti daimi yaşamaq üçün Azərbaycana 756 nəfər gələn və 200 nəfər ölkədən gedən qeydə alıb.
