15 günlük yoxlamaların nəticələri
Ekologiya və Təbii Sərvətlər Nazirliyi Ətraf Mühitin Mühafizəsi Departamentinin 1-15 mart arası apardığı yoxlamaların nəticələrini açıqlayıb. Rəsmi məlumatda bildirilir ki, atmosfer havasının, su və torpaq ehtiyatlarının, yerin təkinin, fauna və floranın mühafizəsi, o cümlədən ətraf mühitə məişət və istehsalat tullantılarının yerləşdirilməsi sahəsində qanun pozuntularına görə 102 akt və protokol tərtib olunub, nöqsanların aradan qaldırılması üçün 22 müddətli məcburi göstəriş verilib.
Ümumilikdə 43 iş üzrə 47360 manat məbləğində cərimə kəsilib, ətraf mühitə dəymiş ziyana görə 12 iş üzrə 14061,99 manat məbləğində iddia qaldırılıb, ətraf mühitə tullantıların atılmasına və axıdılmasına görə 239 iş üzrə 49134,92 manat məbləğində ödəmə tətbiq edilib.
Tədbir görülməsi üçün hüquq-mühafizə orqanlarına və icra qurumlarına 14, məhkəmələrə 3 iş göndərilib.
