Martın 10-u Bakıda, Dövlət Mahnı Teatrında Azərbaycan jurnalistlərinin VII qurultayı keçirilib. Qurultayda Mətbuat Şurasının nizamnaməsinə dəyişiklik edilib, İdarə Heyəti üzvlərinin sayı 17-dən 23-ə çatdırılıb. Yeni İdarə Heyəti 11 jurnalistdən, 7 ictimaiyyət nümayəndəsindən və 5 internet informasiya resursu təmsilçisindən ibarətdir.

15 ildir Mətbuat Şurasına rəhbərlik edən Əflatun Amaşov yenidən sədr seçilib.

İdarə Heyətinin yeni tərkibinə bu şəxslər daxildir: Əflatun Amaşov, Vüqar Rəhimzadə, Umud Rəhimoğlu, Rəşad Məcid, Aydın Quliyev, Akif Aşırlı, Rauf Arifoğlu, Elçin Mirzəbəyli, Aynur Camalqızı, Bəxtiyar Sadıqov, Bahəddin Həziyev (jurnalistlər), Vüqar Səfərli, Müşfiq Ələsgərli, Aqil Abbas, Cavanşir Feyziyev, Hikmət Babaoğlu, İlham İsmayılov, Yadigar Məmmədli (ictimaiyyət nümayəndələri), Vüsalə Mahirqızı, Azər Həsrət, Niyaz Niftiyev, Rəhman Hacıyev, Anar İmanov (internet informasiya resursu təmsilçiləri).

Novator.az bildirir ki, Mətbuat Şurası medianın özünütənzimləməsini həyata keçirən orqandır. 15 mart 2003-cü ildə ölkə jurnalistlərinin I qurultayında yaradılıb.