Azərbaycanın əsas xarici ticarət tərəfdaşları açıqlanıb. Novator.az-ın məlumatına görə, Dövlət Gömrük Komitəsi bildirir ki, 2018-ci ilin ilk iki ayında əsas tərəfdaş İtaliya olub. Bu ölkə ilə ticarət ümumi dövriyyənin 17,21 faizi həcmində göstərilir.

Rusiya 8,93 faizlə ikinci, Almaniya 8,58 faizlə üçüncüdür.

İxracda əsas ölkə İtaliyadır: 26,54 faiz. İdxalda isə Rusiya birincidir: 16,77 faiz.

Hesabata görə, ixracın 6,8 faizi MDB ölkələrinin, 51,3 faizi Avropa İttifaqı ölkələrinin, 41,9 faizi digər ölkələrin payına düşür.

İdxalda MDB-nin payı 29,8 faiz, Avropa İttifaqının payı 24,9 faiz, digər ölkələrin payı 45,3 faizdir.

İki ayda Avropadan Xorvatiya, Kipr, Rumıniya, Sloveniya, Albaniya, Bosniya və Herseqovina, Makedoniya, Lixtenşteynə heç bir ixrac qeydə alınmayıb.

Hər hansı ixracın olmadığı digər ölkələr sırasında Cənubi Koreya, Şimali Koreya, Suriya, Əlcəzair, Mərakeş də var.