Dövlət Gömrük Komitəsi 2018-ci ilin yanvar-fevral ayları üzrə hüquqpozmaların statistikasını açıqlayıb. Novator.az-ın məlumatına görə, hesabatda qeyd olunur ki, iki ayda gömrük orqanları 85 qaçaqmalçılıq faktı, 24 narkotik vasitələrin və psixotrop maddələrin qanunsuz dövriyyəsi faktı, 3 aksiz markası olmadan mal idxal etmə faktı, 1 gömrük ödənişindən yayınma faktı, 48 digər cinayət xarakterli fakt qeydə alıb.

İki ay ərzində gömrük hüquqpozmalarında 138 şəxs təqsirləndirilib. Dövlət Gömrük Komitəsi 1301 inzibati xəta faktı ortaya çıxarıb.