Bakı Şəhər Statistika İdarəsi demoqrafik göstəriciləri açıqlayıb. Novator.az bildirir ki, rəsmi hesabata görə, ötən il paytaxt əhalisinin sayı 0,7 faiz artaraq 2018-ci il yanvarın 1-nə 2 milyon 262 min 560 nəfərə çatıb. Əhalinin 49,7 faizi kişilər, 50,3 faizi qadınlardır.
2017-ci ildə Ədliyyə Nazirliyinin qeydiyyat şöbələri Bakı şəhərində 30373 nəfər doğulmuş körpə qeydə alıb. Yeni doğulan körpələrin 52,5 faizi oğlan, 47,5 faizi qızdır.
Ötən il Bakı şəhərində 12938 ölüm halı rəsmiləşib.
Ədliyyə Nazirliyinin qeydiyyat şöbələrinin 15426 nikah və 4906 boşanma qeydə aldığı bildirilir.
Daimi yaşamaq üçün Bakı şəhərinə 5012 nəfər gəlib, 5677 nəfər isə paytaxtdan gedib.
