İki ayın populyar adları
2018-ci ilin ilk iki ayında Azərbaycanda doğulmuş uşaqlara qoyulan populyar adlar bəlli olub. Novator.az bildirir ki, populyar qız adları içində Zəhra birincidir: 231 uşaq.
Nuray (171) ikinci, Zeynəb (152) üçüncü yerdə dayanır.
Aylin adı yanvar və fevral aylarında 150, Məryəm adı 149 uşağa verilib.
Sonrakı yerlərdə Mələk (129), Fatimə (125), Ayan (113), Dəniz (109), İnci (107) gəlir.
Oğlan adları içində Yusif birincidir. Bu ad ilin ilk iki ayında 221 uşağa verilib.
Hüseyn adı (171) ikinci yerdədir.
Əli (161), Ömər (143), Uğur (137), Məhəmməd (133), Murad (124), Ayxan (111), Tunar (82), Rəsul (73) adları sonrakı yerləri bölüşürlər.
