UEFA Avropa Liqasında 1/16 final yekunlaşıb. Novator.az-ın məlumatına görə, fevralın 22-də keçirilən cavab oyunlarından sonra Rusiyanın “Zenit” və “Lokomotiv” (Moskva) klubları, Ukraynanın “Dinamo” komandası mərhələ adlayıb.
1/8 finala keçən digər komandalar bunlardır: “Sportinq” (Portuqaliya), “Atletik”, “Atletiko” (hər ikisi İspaniya), “Borussiya” (Dortmund), “Leypsiq” (hər ikisi Almaniya), “Lion”, “Marsel” (hər ikisi Fransa), “Zalsburq” (Avstriya), “Viktoriya” (Çexiya), “Latsio”, “Milan” (hər ikisi İtaliya), “Arsenal” (İngiltərə).
Rusiyanın SSKA klubu növbəti raunda srağagün yüksəlib.
2017-2018 mövsümündə UEFA-nın klub turnirlərinə 236 komanda buraxılıb. İndiyə qədər onların 204-ü mövsümlə vidalaşıb. Mübarizəni 32 komanda davam etdirir. 16 komanda Çempionlar Liqasında, 16 komanda Avropa Liqasında yer alır.
