Rusiya Avropa ölkəsidirmi? Avropalıların cavabı
Avropa əhalisinin Rusiyanı Avropa ölkəsi sayıb-saymamasını öyrənmək üçün sosioloji sorğu keçirilib.
Novator.az xəbər verir ki, sorğunu Fransanın “İfop” şirkəti Rusiyanın “Sputnik” informasiya agentliyi və radiosunun layihəsi çərçivəsində reallaşdırıb.
Sorğuda iştirak edən Fransa əhalisinin 65%-i, Böyük Britaniya əhalisinin 52%-i, Almaniya əhalisinin 46%-i, Polşa əhalisinin 20%-i Rusiyanı Avropa ölkəsi hesab etmədiyini deyib.
Polşalı respondentlərin 77%-i, almaniyalıların 49%-i, fransalıların 29%-i, britaniyalıların 35%-i Rusiyanı Avropa ölkəsi saydığını söyləyib.
Sorğuya cəlb olunan britaniyalıların 13%-i, fransalıların 6%-i, almaniyalıların 5%-i, polşalıların 3%-i sualı cavablandıra bilməyib.
Rusiyanı Avropanın bir parçası sayanların arasında ali təhsillilər və yaşı 35-dən yuxarı olanlar çoxluq təşkil edib.
Sorğu 2017-ci ilin sentyabr ayının 20-27-də yaşı 18-i keçmiş 3228 avropalı respondent arasında keçirilib.
Səidə Hüseynova
