Ekologiya və Təbii Sərvətlər Nazirliyi yeni hesabat yayıb. Rəsmi məlumata əsasən, Ətraf Mühitin Mühafizəsi Departamentinin əməkdaşları 16-31 yanvar arası ölkədə ekoloji qanunvericiliyin tələblərinə riayət olunmasını yoxlayıb.

Atmosfer havasının, su və torpaq ehtiyatlarının, yerin təkinin, fauna və floranın mühafizəsi, o cümlədən ətraf mühitə məişət və istehsalat tullantılarının yerləşdirilməsi sahəsində qanun pozuntularına görə 190 akt və protokol tərtib olunub, nöqsanların aradan qaldırılması üçün 20 müddətli məcburi göstəriş verilib.

Ümumilikdə 61 iş üzrə 44050 manat məbləğində cərimə tətbiq edilib, ətraf mühitə dəymiş ziyana görə 37 iş üzrə 24429,59 manat məbləğində iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə qarşı 363 iş üzrə 61379,77 manat məbləğində ödəmə tətbiq edilib.

Tədbir görülməsi üçün hüquq mühafizə orqanlarına 21, icra qurumlarına 3 iş göndərilib.