Ötən ay Azərbaycan nə qədər neft hasil edib?
Energetika Nazirliyi Azərbaycanın bu ilin yanvarında nə qədər neft hasil etdiyini açıqlayıb. Hesabata əsasən, yanvarda ölkə üzrə gündəlik neft hasilatı 814,6 min barrel olub.
Novator.az xatırladır ki, 2016-cı il noyabrın 30-da OPEK üzrə gündəlik neft hasilatı 1,2 milyon barrel azaldılıb, dekabrın 10-da isə OPEK-ə daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb.
2017-ci il mayın 25-də sazişin müddətinin 2018-ci il aprelin 1-dək uzadılması barədə razılıq əldə olunub, noyabrın 30-da isə OPEK+ sazişinin müddətini daha 9 ay, yəni 2018-ci ilin sonunadək uzatmaq qərara alınıb.
Azərbaycan hasilatı sutkada 35 min barrel azaltmaq öhdəliyi götürüb. 2017-ci ildə orta gündəlik neft hasilatı 781,9 min barrel təşkil edib.
Azərbaycanın 2018-ci il büdcəsində neftin qiyməti 45 dollar hesablanıb. Fevralın 9-da “AzəriLayt”ın bir barreli 66,61 dollara satılır.
