Fevralın 6-da prezident İlham Əliyev bir sıra vəzifələrə təyinatlar edib.

Dövlət başçısı Şahin Şakir oğlu Abdullayevi Azərbaycanın Səudiyyə Ərəbistanı Krallığında fövqəladə və səlahiyyətli səfiri, Cavidan Rizvan oğlu Hüseynovu isə Birləşmiş Ərəb Əmirliklərinin Dubay şəhərində Azərbaycanın baş konsulu təyin edib.

Prezidentin digər sərəncamı ilə Namiq Rəsul oğlu Zeynalov Cəlilabad Rayon İcra Hakimiyyətinin başçısı təyin olunub.

“Report”un məlumatına görə, Namiq Zeynalov bu təyinata qədər Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin rəis müavini vəzifəsində çalışıb.

Cəlilabadın əvvəlki icra başçısı Əziz Əzizov ötən həftə Bakının Yasamal rayonuna başçı təyin edilib.