Oqtay Əsədova orden təqdim olunub
- 02 Fevral 2018
- comments
- Səidə Hüseynova
- Posted in Xəbər
Milli Məclisin sədri Oqtay Əsədova Qazaxıstanın “Şərəf” ordeni təqdim edilib. Qazaxıstan prezidenti Nursultan Nazarbayev Oqtay Əsədovu “dövlət siyasətində və ictimai fəaliyyətdə xidmətlərinə, ölkənin sosial, iqtisadi və mədəni inkişafına, xalqlararası dostluğun və əməkdaşlığın möhkəmlənməsinə verdiyi böyük töhfəyə görə” layiq görüb. AZƏRTAC xəbər verir ki, orden fevralın 2-də Qazaxıstan Parlamenti Məclisinin sədri Nurlan Niqmatulinin başçılıq etdiyi nümayəndə heyəti ilə görüşdə təqdim olunub.
Oqtay Əsədov 1955-ci ildə anadan olub. Azərbaycan Dövlət Neft və Kimya İnstitutunun maşınqayırma texnologiyası fakültəsini bitirib.
1976-cı ildən Bakı Məişət Kondisionerləri zavodunda usta köməkçisi, usta işləyib. 1979-cu ildən Azərbaycan Baş Quraşdırma və Xüsusi İnşaat İşləri İdarəsinin böyük mühəndisi, 1981-ci ildən Azərbaycan Baş Quraşdırma və Xüsusi Tikinti İşləri Nazirliyinin “Azərsantexquraşdırma” Trestinin böyük texnoloqu, idarə rəisi, birlik rəisi olub. 1996–2004-cü illərdə Abşeron Regional Səhmdar Su Cəmiyyətinin, 2004–2005-ci illərdə “Azərsu” Səhmdar Cəmiyyətinin prezidenti vəzifəsində çalışıb.
2005-cı il dekabrın 2-dən parlamentin sədri olan Oqtay Əsədov Azərbaycanın “Şərəf” ordeni laureatıdır.