Avro və başqaları bahalaşıb
Mərkəzi Bank fevralın 2-də avronu 2,1238, gürcü larisini 0,6859, türk lirəsini 0,4542 manata qaldırıb.
Novator.az-ın məlumatına görə, bahalaşan ingilis funt sterlinqi 2,4241, İsveçrə frankı 1,8338, Küveyt dinarı 5,673 manata təklif olunur.
ABŞ dolları (1,7001 manat) və Rusiya rublunun (0,0303 manat) rəsmi məzənnələri dəyişməyib (Məzənnələr).
Dollar 2017-ci il dekabrın 13-dən 1,7001 manata satılır. Bu, manatın devalvasiyaya uğradığı 2015-ci ildən bəri ən davamlı rəsmi məzənnədir.
2015-ci il fevralın 21-də dollar 0,7862 manatdan 1,05 manata yüksəlib. Dekabrın 21-nə təsadüf edən ikinci devalvasiyada rəsmi kurs 1,55 manat olub, il 1,5594 manatla başa çatıb.
2016-cı ildə məzənnə 1,7707 manata qalxıb. 2017-ci ildə isə dollar 7,06 qəpik ucuzlaşıb. İl ərzində ən aşağı qiymət 6-13 dekabr arası qeydə alınıb: 1,7 manat. Ən yuxarı rəsmi qiymət fevralda olub: 1,92 manat. Bu həm də ilk devalvasiyadan bəri qeydə alınan ən yüksək göstəricidir.
