“Economist İntelligence Unit” beynəlxalq təşkilatı 2017-ci il üzrə Demokratiya İndeksi açıqlayıb. Novator.az-ın məlumatına görə, indeks seçki prosesi və plüralizm; mülki azadlıqlar; hökumətin funksionallığı; siyasi iştirak; siyasi mədəniyyət meyarları ilə müəyyən edilib. Ölkələr tam demokratik, qüsurlu demokratik, hibrid rejimlər və avtoritar rejimlərə ayrılıb.
Tam demokratik ölkələr siyahısına Norveç başçılıq edir. İlk beşlikdə İslandiya, İsveç, Yeni Zelandiya və Danimarka da yer alır.
ABŞ qüsurlu demokratik ölkələr siyahısına salınıb. Bu dəstədə Estoniya, Litva, Latviya da var.
Moldova, Gürcüstan, Ukrayna, Qırğızıstan, Türkiyə, Ermənistan hibrid rejimlər sırasında gəlir.
Azərbaycan avtoritar ölkələr arasında göstərilir. Rusiya, Belarus, Qazaxıstan, Türkmənistan, Özbəkistan və Tacikistan da eyni cərgədədir.
“Economist İntelligence Unit” 1946-cı ildə Böyük Britaniyada yaradılıb. Dünyanın 24 ölkəsində ofisi var.
