Nazirlik qəbul statistikası açıqlayıb
2017-ci ildə Əmək və Əhalinin Sosial Müdafiəsi Nazirliyinin rəhbərliyi və məsul şəxsləri 11 min 751 nəfəri fərdi qaydada qəbul edib. Rəsmi hesabata görə, həmin şəxslərin 11 min 97 nəfəri nazirliyin qəbul otağına müraciət edənlərdir.
773 nəfər (o cümlədən nazirlikdə 119 nəfər, rayon və şəhərlərdə keçirilən qəbullar zamanı 654 nəfər) əmək və əhalinin sosial müdafiəsi nazirinin qəbulunda olub. 418 nəfəri nazir müavinləri və aparat rəhbəri, qalan vətəndaşları nazirliyin struktur bölmələrinin məsul şəxsləri qəbul edərək dinləyib.
Müraciətlərin əksər hissəsində sosial təminat, pensiya və müavinət təyinatı, əmək qanunvericiliyi, tibbi-sosial ekspertiza və əlillərin reabilitasiyası, sosial sığorta və s. məsələlərə dair sorğular ifadə olunub.
2017-ci ildə Əmək və Əhalinin Sosial Müdafiəsi Nazirliyinin qəbul otağına müraciət edənlərin sayında əvvəlki illə (39 min 347 nəfər) müqayisədə 3,5 dəfə azalma qeydə alınıb.
