İlk ayın populyar adları
Novator.az 2018-ci ilin ilk ayında Azərbaycanda doğulmuş uşaqlara qoyulan populyar adların siyahısına nəzər salıb.
Oğlan adları içində Yusif birincidir. Bu ad yanvarda 52 uşağa verilib. Hüseyn adı (34) ikincidir. Əli və Uğur adları (28) üçüncü yeri bölüşürlər.
İlk sıralarda Ömər (24), Məhəmməd, Murad (20), Ayxan (19), Ümid (18), Raul (16) adları da var.
Populyar qız adları içində Zəhra (41) birinci, Məryəm (32) ikinci, Zeynəb (30) üçüncüdür.
Aylin adı yanvarda 26 uşağa, Mələk və Nuray adları 25 uşağa, Ayan adı 24 uşağa, Fatimə və İnci adları 20 uşağa, Xədicə və Dəniz adları 17 uşağa qoyulub.
Novator.az xatırladır ki, 2013-2017-ci illərdə Azərbaycanda doğulmuş 14665 uşağa Yusif adı verilib. Zəhra adı ikinci yerdə dayanır. Son 5 ildə 13719 uşaq Zəhra adı alıb.
Populyar 10-luqda sonrakı ardıcıllıq belədir:
Hüseyn – 10110 uşaq
Əli – 9920
Nuray – 9755
Fatimə – 8831
Zeynəb – 7303
Aylin – 7119
Ömər – 6941
Məhəmməd – 6180.
