Hansı gündə doğulmağın nə fərqi var? (14)
Novator.az “Doğum günü insanı necə nişan verir?” silsiləsinin təqdimatını davam etdirir.
Ayın 27-də doğulan
27 – şəfa göstəricisidir. Bu rəqəmin nümayəndəsi həyatını tibb və səhiyyə sahəsinə bağlayır. O, əsl şəfa adamıdır – çox vaxt da alternativ müalicənin tərəfdarı olur.
Ayın 27-də doğulan insan həssas və emosionaldır, onda dərin mərhəmət hissi var. Ona şəfqətli olmağı, yaxınlarının qayğısına qalmağı öyrətmək lazım deyil, o, qəlbinin hər hüceyrəsi ilə duymağı bacarır.
“27” heç vaxt ümidini itirmir, həyat təcrübəsindən nəticə çıxarır və uğursuzluqdan sonra asanlıqla hər şeyi yenidən başlaya bilir.
Əhvalının qəfil aşağı düşməsi var, səbirsizdir, özünə güvənəndir.
Ayın 28-də doğulan
“28” qanunu simvollaşdıran rəqəmdir. Ayın 28-də anadan olan insanın böyük məsuliyyət hissi var. O, daim hamını nizam-intizama və yazılmış qaydalara əməl etməyə çağırır. Əla hakim olmaq və ya hüquq sahəsində çalışmaq onun qanındadır.
“28”in digər xüsusiyyətləri – heç vaxt öz günahını boynuna almır, daim ətrafdakıların ünvanına ittiham irəli sürməyə meyllidir.
Onun hökmran xarakterini yaradıcılıq fantaziyası və zəngin təsəvvür yaradan “2” yumşaldır.
(Ardı var)
Silsilənin əvvəli: 1, 2, 3, 4, 5, 6, 7, 8, 9, 10, 11, 12, 13
Səidə Hüseynova
