Prezident İlham Əliyev sərəncamlar imzalayaraq bəzi diplomatik nümayəndəliklərin rəhbərlərini geri çağırıb. Sabir Məmməd oğlu Ağabəyov İordaniyada fövqəladə və səlahiyyətli səfir vəzifəsindən, Rasim Şəmsəddin oğlu Rzayev Səudiyyə Ərəbistanında, eyni zamanda Omanda, Yəməndə, Bəhreyndə fövqəladə və səlahiyyətli səfir və İslam Əməkdaşlıq Təşkilatı yanında daimi nümayəndə vəzifələrindən, Tofiq Əlövsət oğlu Abdullayev Qətərdə fövqəladə və səlahiyyətli səfir vəzifəsindən, İbrahim Əsəd oğlu Hacıyev Hindistanda, eyni zamanda Şri Lankada, Maldiv Respublikasında, Nepalda, Banqladeşdə və Butan Krallığında fövqəladə və səlahiyyətli səfir vəzifəsindən çıxarılıb.

Rəşad Fail oğlu İsmayılov Gürcüstanın Batumi şəhərində baş konsul vəzifəsini, Pərviz Cəfər oğlu İsmayılzadə Birləşmiş Ərəb Əmirliklərinin Dubay şəhərində baş konsulu vəzifəsini itirib.