Avropanın milli futbol çempionatlarında növbəti turlar keçirilib. Novator.az-ın məlumatına görə, İspaniya çempionatının lideri “Barselona” 21-ci turda xal sayını 57-yə çatdırıb. Onu 46 xalla “Atletiko” təqib edir. “Valensiya”nın 40 xalı var. Bir oyun az keçirən “Real” 38 xal toplayıb.
Almaniya çempionatında zirvədə qərar tutan “Bavariya” 20 turda 50 xal qazanıb. Münhen təmsilçisini 34 xalla “Bayer” və “Şalke” izləyir.
22 turdan sonra İtaliya çempionatında “Napoli” 57 xalla irəli çıxıb. “Yuventus” ondan bir xal geridə qalır. Üçüncü sırada qərar tutan “Latsio” 46 xal yığıb.
Fransada 23 turda 59 xal yığan PSJ öndədir. “Lion” və “Marsel” 48, “Monako” 47 xal toplayıb.
İngiltərədə 25-ci tur ərəfəsində “Mançester Siti”nin vahid liderliyi davam edir: 65 xal. “Mançester Yunayted” 53 xalla ikinci, “Çelsi” 50 xalla üçüncü pillədə dayanır.
