Etibarlı mənbə – Ukraynada
Ukraynanın “Reytinq” Sosioloji Qrupu əhalinin hansı informasiya mənbələrinə daha çox etimad göstərdiyini öyrənmək üçün rəy sorğusu keçirib.
Novator.az xəbər verir ki, sorğu ötən ilin noyabrında 1200 respondent arasında aparılıb. Nəticələr 2018-ci ilin yanvarında açıqlanıb.
Nəticələrə görə, əhalinin 49%-i Ukrayna televiziyalarına etibar edir.
İkinci yerdə xəbər saytları gəlir. Respondentlərin 41%-i saytlara etibar etdiyini söyləyib.
Etibarlı mənbə reytinqində üçüncü yeri sosial şəbəkələr tutur. Respondentlərin üçdə biri sosial şəbəkələri etibarlı informasiya mənbəyi kimi qəbul edir.
Reytində sonrakı yerləri Ukrayna mətbuatı (33%) və radioları (29%) tutur.
“Reytinq” qrupunun açıqlamasında o da bildirilir ki, Ukraynada hər üç internet istifadəçisindən birinin Facebook şəbəkəsində hesabı var.
Səidə Hüseynova
