Ötən il nə qədər yaşayış evi istifadəyə verilib?
2017-ci ildə ölkə vətəndaşlarının vəsaiti hesabına ümumi sahəsi 1 milyon 599,9 min kvadratmetr olan 11,5 min fərdi yaşayış evi istifadəyə verilib, bu da ümumi sahənin 92,6 faizini təşkil edib. Novator.az-ın məlumatına görə, Dövlət Statistika Komitəsi belə hesabat yayıb.
Rəsmi açıqlamaya əsasən, fərdi yaşayış evlərinin 39,2 faizi kənd yerlərində tikilib.
Əhalinin vəsaiti hesabına tikilmiş fərdi yaşayış evlərinin orta ümumi sahəsi 138,6 kvadratmetr olub.
Evlərin 59,3 faizi Naxçıvan Muxtar Respublikasında, Bakı, Sumqayıt və Lənkəran şəhərlərində, Abşeron, Şəmkir, Sabirabad, Qazax, Cəlilabad və Tovuz rayonlarında inşa edilib.
