Mərkəzi Bank yanvarın 11-nə olan rəsmi məzənnələri açıqlayıb. Novator.az-ın məlumatına görə, avro və gürcü larisi bahalaşıb, Rusiya rublu və türk lirəsi dəyər itirib:
1 avro – 2,0312 manat
1 gürcü larisi – 0,6622 manat
1 Rusiya rublu – 0,0298 manat
1 türk lirəsi – 0,4484 manat.
ABŞ dollarının rəsmi kursu 1,7001 manat səviyyəsində qalıb. 2017-ci il dekabrın 13-dən qüvvədə olan bu qiymət manatın devalvasiyaya uğradığı 21 fevral 2015-ci ildən bəri ən davamlı rəsmi məzənnədir.
2015-ci il fevralın 20-də dollar banklara 0,7862 manata satılıb. Bir gün sonra Mərkəzi Bank kəskin kurs dəyişikliyinə qərar verib və rəsmi qiymət 1,05 manata yüksəlib. Dekabrın 21-də ikinci devalvasiya baş verib, rəsmi kurs 1,55 manata qalxıb.
2016-cı il 1,5610 manatla, 2017-ci il 1,7707 manatla başlayıb (İlk devalvasiyadan sonrakı bütün rəsmi kurslar).
