Yağış, sulu qar, qar yağıb
Ekologiya və Təbii Sərvətlər Nazirliyinin Milli Hidrometeorologiya Departamenti bildirir ki, yanvarın 9-u axşamdan 10-u səhərədək Azərbaycanda hava dəyişib, bəzi rayonlarda, Abşeron yarımadası və Abşeron dəniz rayonunda güclü şimal-qərb küləyi əsib, əksər rayonlarda yağış, ayrı-ayrı yerlərdə sulu qar, qar yağıb.
Düşən yağıntının miqdarı Qusarda 11, Qubada 10, Şabranda 5, Sarıbaş, Astara, Altıağacda 4, Xınalıqda 3, Şahdağ, Xaltanda 2, Mərəzə, Balakən, Göytəpə, Lerik, Kişçayda 1, Sumqayıt, Binə, Pirallahı, Zabratda 1 millimetr olub.
Qarın qalınlığı Qırızda 13, Şahdağda 12, Qubada, Xınalıqda 10, Qusarda 8, Altıağacda 7, Sarıbaşda (Qax) 6, Xaltanda 4, Rvarudda, Lerikdə 2, Mərəzədə, Şabranda 1, Qubanın dağlıq ərazilərində 4-13 santimetrə çatıb.
