İspaniya milli futbol çempionatı ötən həftəsonu milad tətilini başa vurub. Novator.az-ın məlumatına görə, lider “Barselona” 18-ci turda xal sayını 48-ə çatdırıb və əzəli rəqibi “Real”ı 16 xal geridə qoyur. “Atletiko”nun 39, “Valensiya”nın 37 xalı var. Ehtiyatda bir oyunu olan “Real” 32 xal toplayıb.

İtaliya çempionatında isə 20-ci tur geridə qalıb. “Napoli” 51 xalla liderlik edir. Lideri izləyən “Yuventus” 50 xal yığıb. “İnter”in 42 xalı, bir oyun az keçirən “Latsio”nun 40 xalı var.

Portuqaliya çempionatında 17 oyuna 45 xal toplayan “Portu” başçılıq edir.

Fransada (19 turdan sonra PSJ 50 xalla zirvədədir), Almaniyada (17 turdan sonra “Bavariya” 41 xalla önə çıxıb) tətil bu həftə bitəcək.

İngiltərə milli futbol çempionatında 22 turdan sonra “Mançester Siti” 62 xalla liderdir.