Ən zəngin ölkələr
Beynəlxalq Valyuta Fondu adambaşına ümumi daxili məhsula (ÜDM) görə reytinq açıqlayıb. “Turan” xəbər verir ki, 2017-ci il üzrə hesabatda Qətər liderdir. Bu ölkədə adambaşına ÜDM 124 min 930 dollardır.
Lüksemburq adambaşına ÜDM reytinqində 109 min 190 dollarla ikinci yeri tutur.
Sinqapur üçüncüdür: 90 min 530 dollar.
Bruneydə adambaşına ÜDM 76 min 740 dollara bərabərdir.
Ən zəngin ölkələr siyahısında beşinci yerdə İrlandiya dayanır: 72 min 630 dollar.
Növbəti yerləri 70 min 590 dollar ÜDM-lə Norveç, 69 min 670 dollar ÜDM-lə Küveyt, 68 min 250 dollar ÜDM-lə Birləşmiş Ərəb Əmirlikləri, 61 min 360 dollar ÜDM-lə İsveçrə, 61 min 20 dollar ÜDM-lə Honkonq tutur.
Azərbaycan 100 ölkə arasına daxil olmayıb. BVF-nin reytinqinə əsasən, 2017-ci ildə adambaşına 3812 dollar ÜDM düşür.
