2017-ci ilin populyar adları
2017-ci ildə Azərbaycan Respublikasında doğulmuş qız uşaqlarına verilən ən populyar ad Zəhradır. Novator.az-ın məlumatına görə, bu ad ilin əvvəlindən 2700 qıza qoyulub.
Nuray (2072 uşaq) ikinci, Məryəm (1619) üçüncü populyar addır.
İlk onluqda bu qız adları da var: Zeynəb – 1620 uşaq, Aylin – 1508, Fatimə – 1499, Mələk – 1426, Dəniz – 1381, Ayan – 1076, Damla – 1067.
2017-ci ildə ən çox qoyulan 10 oğlan adı içində Yusif üstündür – 2839 uşaq.
İkinci yerdə Əli (2102), üçüncü yerdə Hüseyn (1937) gəlir.
Populyar onluqda Ömər (1582), Uğur (1423), Məhəmməd (1423), Murad (1228), Ayxan (1091), Tunar (845), İbrahim (840) adları da yer alır.
Novator.az bildirir ki, Dövlət Statistika Komitəsinin hesabatına görə, Azərbaycan əhalisinin sayı 2017-ci ildə 0,7 faiz artaraq noyabrın 1-nə 9,8 milyon nəfərə çatıb. Əhalinin 49,9 faizi kişi, 50,1 faizi qadındır. 10 ay ərzində Ədliyyə Nazirliyinin qeydiyyat şöbələri 120 min 35 doğulan körpə qeydə alıb. Doğulanların 53,1 faizi oğlan, 46,9 faizi qızdır.
