Zabil Müqabiloğlunun kitabı nəşrə hazırlanır
Mərhum jurnalist Zabil Müqabiloğlunun kitabı nəşrə hazırlanır. Bunu Kult.az-a jurnalistin bacısı Sevinc Əliyeva deyib.
O qeyd edib ki, Zabil Müqabiloğlu jurnalistikada öz sözünü demiş, tanınmış qələm adamlarından idi: “Zabil şeirlər, hekayələr də yazırdı. Onun bir neçə şeiri və hekayəsi həyatı kimi yarımçıq qaldı”.
Kitab gələn ilin fevralında işıq üzü görə bilər.
Kitabda Zabil Müqabiloğlunun bədii, publisistik yazıları, fotoşəkilləri, yaxın dostlarının xatirələri toplanacaq.
Sevinc Əliyeva bildirib ki, jurnalistlər Həbibə Abdulla, Famil Cəfərli və Xalid Kazımlı kitabın nəşrə hazırlanmasında ona yardım göstərirlər.
Zabil Müqabiloğlu 1977-ci il noyabrın 17-də Zəngilan rayonunun Babaylı kəndində anadan olub. Bakı Asiya Universitetinin jurnalistika fakültəsini bitirib. 1996-1998-ci illərdə hərbi xidmətdə olub. 1998-ci ildən mətbuatda çalışıb. “525-ci qəzet”də, “Avropa”, “Tərcüman”, “Yeni Müsavat” qəzetlərində işləyib. Son iş yeri təsisçisi olduğu Gunxeber.com saytı olub.
Zabil Müqabiloğlu 2017-ci il fevralın 26-da vəfat edib.
Zabil Müqabiloğlunun “Sonuncu zəng” yazısı
Zabildən qalan baməzə söhbətlər…
Bir Zabil Müqabiloğlu vardı…
