İmperator qayıtdı
İmperator ləqəbli Fatih Terim Türkiyənin “Qalatasaray” futbol komandasının baş məşqçisi postuna gətirilir. Məlumatı mütəxəssis özü açıqlayıb.
Xorvatiyadan olan əvvəlki baş məşqçi İqor Tudor bir neçə gün əvvəl istefaya göndərilib.
Novator.az bildirir ki, Fatih Terim 1953-cü ildə anadan olub. Futbolçu karyerası dövründə 11 il (1974-1985) “Qalatasaray”ın formasını geyinib, 1975-1985-ci illərdə Türkiyə milli komandasının şərəfini qoruyub.
Fatih Terim 1996-2000, 2002-2004 və 2011-2013-cü illərdə “Qalatasaray”ın sükanı arxasında dayanıb. Onun rəhbərliyi altında İstanbul klubu 6 dəfə Türkiyə çempionu olub, 2 dəfə ölkə kubokunu əldə edib, 1 dəfə UEFA kubokunu qazanıb.
1993-1996, 2005-2009, 2013-2017-ci illərdə Fatih Terim Türkiyə yığmasının baş məşqçisi postunda çalışıb.
