ABŞ-ın “Forbes” jurnalı 2017-ci ilin ən çox varlanan 5 milyarderinin adını açıqlayıb. Novator.az xəbər verir ki, beşliyə “Amazon” internet şirkətinin qurucusu Ceff Bezos başçılıq edir. Onun varidatı bu il 33,8 milyard artaraq 98,6 milyard dollar olub.

Siyahıda ikinci Cinin “Evergrande Group” tikinti şirkətinin sahibi Suy Szyain gəlir. O, 2017-ci ildə varidatını 27,4 milyard dollar artıraraq 36,5 milyarda çatdırıb.

Ən çox varlanan milyarderlər siyahısının üçüncü pilləsində Fransanın “Louis Vuitton” moda şirkətinin rəhbəri Bernar Arno dayanır. 2017-ci ildə sahibkarın aktivləri 23,6 milyard dollar artaraq 40,3 milyard dollara yüksəlib.

Dördüncü yerdə “Facebook” sosial şəbəkəsinin qurucusu Mark Suxerberq qərarlaşır. Onun varidatı 23,6 milyard dollar artaraq 72 milyard dollara qalxıb.

Siyahıda beşinci yerdə Çinin “Tencent” telekommunikasiya şirkətinin yaradıcısı Ma Xuatena göstərilir. Onun varidatı bu il 21,8 milyard dollar çoxalaraq 44,3 milyard dollar təşkil edib.

Səidə Hüseynova