Əmanətlərin Sığortalanması Fondu ləğv prosesində olan 11 bank üzrə 747,9 milyon manatdan artıq kompensasiya ödədiyini açıqlayıb.

Rəsmi hesabata görə, “Yunayted Kredit Bank” ASC-nin əmanətçilərinə 1 milyon 837,4 min manatdan artıq kompensasiya ödənib, 262 min 485 manat öhdəlik qalıb.

“Bank of Azerbaijan” ASC-nin əmanətçiləri 24 milyon 191 min manat, “Gəncəbank”ın əmanətçiləri 976 min 441 manat, “Texnikabank”ın əmanətçiləri 120 milyon 413,9 min manat, “Parabank”ın əmanətçiləri 43 milyon 222 min manat, “Zaminbank”ın əmanətçiləri 72 milyon 196,9 min manat, “Kredobank”ın əmanətçiləri 27 milyon 914,7 min manat, “Dekabank”ın əmanətçiləri 3 milyon 88,3 min manat, “Atrabank”ın əmanətçiləri 14 milyon 352,1 min manat, “Qafqaz İnkişaf Bankı”nın əmanətçiləri 2 milyon 4,4 min manat, “Bank Standard”ın əmanətçiləri 437,7 milyon manatdan artıq kompensasiya alıb.