Ermənistanın yoxsulluq göstəriciləri
Ermənistanın Milli Statistika Xidməti 2016-cı il üzrə yoxsulluq hesabatı yayıb. Novator.az-ın məlumatına görə, hesabatda qeyd olunur ki, ötən il Ermənistanda yoxsulluq həddi 29,4%-ə çatıb. Bu, 2015-ci illə müqayisədə 0,5% çoxdur.
Rəsmi hesabata əsasən, 2016-ci ildə Ermənistanda əhalinin sayı 2 milyon 998 min 600 nəfər olub. Əhalinin 880 min nəfəri yoxsul təbəqəyə, 295 min nəfəri çox yoxsul təbəqəyə, 54 min nəfəri tam yoxsul təbəqəyə aid edilib.
2016-cı ilin yekununda paytaxt Yerevanda əhalinin 24,9%-i yoxsul sayılıb.
Milli Statistika Xidməti yoxsulluq həddinə görə bölgələri belə sıralayıb: Şirak (45,5%), Lori (35,8%), Kotayk (35,4%), Tavuş (33,8%), Armavir (30%), Qeqarkunik (28,8%), Ararat (26,9%), Sünik (24,2%), Vayots Dzor (18,8%), Araqatsotn (15,7%).
Səidə Hüseynova
