Nazirlik seçki elanı verdi
Əmək və Əhalinin Sosial Müdafiəsi Nazirliyi yanında İctimai Şuranın üzvlüyünə seçkilərlə bağlı elan verilib. Şuranın yeni tərkibinin formalaşdırılması üçün 9 nəfərdən ibarət seçki komissiyası yaradılıb.
Rəsmi açıqlamada qeyd olunur ki, “İctimai iştirakçılıq haqqında” qanun dövlət və cəmiyyət həyatının müxtəlif sahələrində siyasətin hazırlanması və həyata keçirilməsində, ümumdövlət və yerli səviyyədə qərarların qəbulunda, mərkəzi, yerli icra hakimiyyəti və özünüidarəetmə orqanlarının fəaliyyətinə ictimai nəzarətin təşkilində vətəndaşların və vətəndaş cəmiyyəti institutlarının iştirakını nəzərdə tutur, İctimai Şura da bu məqsədə xidmət edir.
Əmək və Əhalinin Sosial Müdafiəsi Nazirliyi yanında İctimai Şuranın fəaliyyətində iştirak etmək istəyənlər öz proqram və təklifləri ilə dekabrın 11-dən 30 iş günü müddətində seçki komissiyasına müraciət edə bilərlər.
Müraciətə namizədin ərizəsi, onun barəsində ətraflı məlumat, o cümlədən əmək fəaliyyətini, təhsilini xarakterizə edən sənədlər əlavə edilməlidir.
İctimai Şuraya üzvlər 2018-ci il fevralın 2-də Əmək və Əhalinin Sosial Müdafiəsi Nazirliyində keçiriləcək.
