Emalatxana 90 min manata satıldı
Əmlak Məsələləri Dövlət Komitəsi dekabrın 12-də hərrac keçirib. Rəsmi məlumatda bildirilir ki, hərracda 17 əmlak – 4 kiçik dövlət müəssisə və obyekti, 13 istifadəsiz qeyri-yaşayış sahəsi özəlləşdirilib. Müəssisələrin 3-ü paytaxtda, 1-i Sumqayıtda yerləşir. Bakıda12, Sumqayıtda 1 istifadəsiz qeyri-yaşayış sahəsi satılıb.
Hərracda ən yüksək qiymətə paytaxtın Nizami rayonunda yerləşən mebellərin təmiri emalatxanası özəlləşdirilib. Əmlak 90 min manata satılıb.
Nəsimi rayonunda yerləşən qeyri-yaşayış sahəsinə isə ilkin satış qiyməti 5 min 500 manat qoyulsa da əmlak 11 min 700 manata sahibini tapıb.
Rəqabətli şəkildə özəlləşdirilən digər obyekt Nəsimi rayonunda 12 min 700 manata satılan qeyri-yaşayış sahəsi olub.
