Avropada milli futbol çempionatları qış tətilinə istiqamət alıb. Novator.az-ın məlumatına görə, İspaniya çempionatında 15 turun yekununda “Barselona” birincidir: 39 xal. “Valensiya” 34 xalla ikinci pillədə durur, onu 33 xalla “Atletiko” təqib edir. “Real” 31 xal yığıb.

15 turu geridə qalan Almaniya çempionatında “Bavariya” 35 xalla liderdir. “Leypsiq” 27 xal, “Şalke” 26 xal, “Borussiya” (Möhhenqladbah) 25 xal toplayıb.

İngiltərə çempionatında 16 turdan sonra “Mançester Siti” 46 xalla öndədir. “Mançester Yunayted”in 35, “Çelsi”nin 32, “Liverpul”un 30 xalı var.

16 turun ardından İtaliya çempionatında ilk pillədə 40 xalla “İnter” dayanır. “Napoli” 39 xal, “Yuventus” 38 xal toplayıb. Bir oyun az keçirən “Roma”nın 35 xalı var.

PSJ 17 turdan sonra Fransa çempionatında zirvədə qərar tutub: 44 xal. Lideri 35 xalla “Lion”, “Monako” və “Marsel” təqib edir.

Rusiya çempionatında “Lokomotiv” (Moskva), Türkiyə çempionatında “Qalatasaray”, Ukrayna çempionatında “Şaxtyor”, Hollandiya çempionatında PSV, Portuqaliya çempionatında “Portu” liderlik edir.