2018-də bayramlara görə verilən istirahət günləri
Novator.az 2018-ci ilin iş günü sayılmayan bayram günlərinin siyahısını təqdim edir.
Yanvarın 1-i (bazar ertəsi) və 2-si (çərşənbə axşamı) yeni ildir.
2017-ci il dekabrın 31-də qeyd edilən Həmrəylik Günü bazara düşdüyü üçün yanvarın 3-ü də (çərşənbə) qeyri-iş günü olur.
8 Mart Qadınlar Günü cümə axşamına düşür.
20-24 mart Novruz bayramıdır. Martın 24-ü şənbəyə düşdüyünə görə martın 26-sı da (bazar ertəsi) istirahət günü sayılır.
Mayın 9-u – Qələbə Günü çərşənbəyə düşür.
Respublika Günü mayın 28-i – bazar ertəsi qeyd olunur.
Qurtuluş Günü iyunun 15-nə – cümə gününə təsadüf edir.
15-16 iyun Ramazan bayramıdır.
Əmək Məcəlləsinə görə, şənbə və bazar günləri ilə iş günü hesab olunmayan bayram günləri üst-üstə düşəndə həmin istirahət günü bayram günündən sonrakı iş gününə keçirilir. Qurban və Ramazan bayramları iş günü hesab olunmayan başqa bayram günü ilə üst-üstə düşdükdə növbəti iş günü istirahət günü hesab edilir.
2018-ci ildə Ramazanın bir günü Milli Qurtuluş Gününə, digəri şənbəyə təsadüf etdiyi üçün iyunun 18-i (bazar ertəsi) və 19-u da (çərşənbə axşamı) iş günü olmur.
Silahlı Qüvvələr Günü – iyunun 26-sı çərşənbə axşamına düşür.
Qurban bayramı 22-23 avqustda (çərşənbə, cümə axşamı) qeyd olunur.
Dövlət Bayrağı Günü – 9 noyabr cümə gününə təsadüf edir.
2018-cı ilin sonuncu bayram günü – Həmrəylik Günü dekabrın 31-də (bazar ertəsi) qeyd edilir.
