Təhsil Nazirliyinin telefon məlumat mərkəzinə (“Qaynar xətt”: 146) və vətəndaşların qəbulu mərkəzinə noyabr ayında 14 min 60 müraciət daxil olub. Rəsmi hesabata görə, telefon məlumat mərkəzində 10 min 829 zəng qəbul edilib, vətəndaşların qəbulu mərkəzində isə 3 min 231 vətəndaşa xidmət göstərilib.
Nazirlik 1557 sənəd (750 məktub, 589 ərizə, 218 digər sənəd) alıb. Müraciətlər əsasən ali təhsil sənədlərinin tanınması, maaşların verilməsi, tətbiq olunan həvəsləndirmə tədbirləri üzrə vəsaitlərin ödənilməsi, şagirdlərin bir məktəbdən digərinə köçürülməsi və dərs saatlarının verilməsi ilə bağlı məsələləri əhatə edib.
