Ekologiya və Təbii Sərvətlər Nazirliyi bildirir ki, Ətraf Mühitin Mühafizəsi Departamentinin 16-30 noyabr araşdırmalarında atmosfer havasının, su və torpaq ehtiyatlarının, yerin təkinin, fauna və floranın mühafizəsi, o cümlədən ətraf mühitə məişət və istehsalat tullantılarının yerləşdirilməsi sahəsində qanun pozuntularına görə 212 akt və protokol tərtib olunub, nöqsanların aradan qaldırılması üçün 25 müddətli məcburi göstəriş verilib.

Ümumilikdə 59 iş üzrə 42800 manat cərimə tətbiq edilib, ətraf mühitə dəymiş ziyana görə 60 iş üzrə 75454,62manat iddia qaldırılıb, ətraf mühitə tullantıların atılmasına və axıdılmasına görə hüquqi və fiziki şəxslərə 166 iş üzrə 112935,71 manat ödəmə tətbiq edilib.

Tədbir görülməsi üçün hüquq mühafizə orqanlarına 32, icra qurumlarına 73 iş göndərilib.