Azərbaycan paytaxtının demoqrafik vəziyyəti açıqlanıb. Novator.az-ın məlumatına görə, Bakı Şəhər Statistika İdarəsi bildirir ki, 2017-ci ildə paytaxt əhalisinin sayı 12,6 min nəfər artaraq oktyabrın 1-nə 2 milyon 258,4 min nəfərə çatıb. Əhalinin 49,6 faizi kişi, 50,4 faizi qadındır.

Yanvar-sentyabr aylarında Ədliyyə Nazirliyinin qeydiyyat şöbələri Bakı şəhərində 22840 doğulmuş körpə qeydə alıb. Doğulan körpələrin 52,6 faizi oğlan, 47,4 faizi qızdır.

9 ayda Bakı şəhərində 9746 ölüm halı rəsmiləşib.

Hesabata görə, yanvar-sentyabr aylarında 11968 nikah və 3698 boşanma qeydə alınıb.