Arayış xidmətinə 750 min dəfədən çox müraciət olunub
Əmək və Əhalinin Sosial Müdafiəsi Nazirliyinin “İş yerinə dair arayış” elektron xidmətindən istifadə edənlərin sayı noyabr ayında 56,8 faiz artaraq 35 min 452-yə çatıb. Rəsmi məlumata görə, indiyədək “İş yerinə dair arayış” e-xidmətinə 752,4 min dəfə müraciət olunub və bu da “E-hökumət” portalındakı 18 növdə e-arayış xidmətləri üzrə ümumi müraciətlərin təqribən yarıya qədərini təşkil edir.
Nazirlik bildirir ki, “İş yerinə dair arayış” xidməti kağız arayışların elektron arayışlarla əvəzlənməsi prosesində mühüm rol oynayır, bir sıra bürokratik halların aradan qalxmasına, arayışlarda real və dürüst məlumatların əksini tapmasına şərait yaradır.
