“Beşiktaş” nöqtəni sona çatmamış qoydu
UEFA Çempionlar Liqasının qrup mərhələsində 5-ci tur start götürüb. Novator.az-ın məlumatına görə, G qrupunda yarışan Türkiyənin “Beşiktaş” komandası noyabrın 21-də “Portu”nu (Portuqaliya) qəbul edib. 1:1 hesabı ilə başa çatan oyunda xal sayını 11-ə çatdıran İstanbul klubu sona bir tur qalmış qrupda ilk yeri təmin edərək növbəti raunda yüksəlib.
“Monako” (Fransa) evdə “Leypsiq”ə (Almaniya) 1:4 hesabı ilə uduzaraq Avropa kubokları ilə vidalaşıb.
Qrup mərhələsindən növbəti raunda adlamaq üçün ən azı ikinci yeri tutmaq gərəkdir. Üçüncü yeri tutan komanda Avropa Liqasına transfer olunur. Hazırda “Portu” və “Leypsiq”in 7, “Monako”nun 2 xalı var.
21 noyabr oyunlarından sonra H qrupundan “Real”ın da (İspaniya) növbəti mərhələyə keçdiyi bəlli olub.
B qrupundan “Bavariya” (Almaniya) və PSJ (Fransa), F qrupundan “Mançester Siti”, H qrupundan “Tottenhem” (hər ikisi İngiltərə) 1/8 finala vəsiqəni 4-cü turda təmin ediblər.
