Sükan arxasında kişi ayıqdır, ya qadın?
Maşın sürərkən qadınların diqqəti kişilərə nisbətən daha az yayınır. Novator.az-ın məlumatına görə, Oslo Nəqliyyat İqtisadiyyatı İnstitutunun araşdırmasında bu qənaətə gəlinib.
Araşdırma 1100 tələbə sürücü və 617 yaşlı sürücü arasında sorğuya əsaslanır. Mütəxəssislər müəyyən edib ki, diqqətin yayınmasına meyl cinsdən, yaşdan, eləcədə də şəxsi keyfiyyətlərdən asılıdır. Maşın sürərkən diqqətin yayınması halları ən çox cavan kişi sürücülərdə, əsəbi və ekstravert (ətrafa diqqətcil) şəxslərdə, eləcə də müntəzəm sükan arxasında olan adamlarda baş verir. Yetkin yaşlı qadın sürücülər və üzünü idarə edə bilənlərin diqqəti daha az yayınır.
Ekspertlər sürücülərin diqqətini yayındıran müxtəlif faktorları göstərir: radioqəbuledicidə kanal dəyişmək, telefonla danışmaq, sərnişinlə sıx ünsiyyət…
Dünya Səhiyyə Təşkilatının 2016-cı il üzrə hesabatına əsasən, hər il dünyada 50 milyon insan yol qəzasına düşür, 1 milyon adam həlak olur. Araşdırmalar göstərir ki, yol qəzalarının 12%-i sürücünün diqqətinin yayınması üzündən baş verir.
Səidə Hüseynova
