Amerikalılar Trampa nə qiymət verir?
ABŞ-ın Konnektikut ştatındakı Kvinnipeks Universiteti prezident Donald Trampın fəaliyyəti ilə bağlı sorğu keçirib. Novator.az-ın məlumatına görə, “Tramp öz vəzifəsinə uyğun gəlirmi” sualına respondentlərin 57%-i “yox”, 40%-i “hə” deyib.
7-13 noyabrda 1577 seçici arasında aparılan sorğu göstərib ki, respondentlərin 58%-i Trampın dövlət başçısı postundakı fəaliyyətini bəyənmir, 35%-i isə bundan məmnunluq ifadə edir.
Seçicilərin 65%-i Trampın soyuqqanlı olmadığını deyib. Respondentlərin 62%-i hesab edir ki, Trampın davranışları onların dəyərlərinə uyğun deyil.
Rəyi soruşulanların 59%-i prezidentin yaxşı liderlik keyfiyyətinə malik olmadığını və sadə amerikalıların qayğısına qalmadığını vurğulayıb.
Sorğuya qatılan amerikalıların 58%-i Trampı möhkəm adam sayır, 55%-i isə onun ağıllı (41% bununla razılaşmır) olduğunu deyib.
71 yaşlı Tramp 2017-ci ilin yanvarın 20-dən ABŞ-a prezidentlik edir.
Səidə Hüseynova
