Ağsuda yeni kreditlər
İqtisadiyyat Nazirliyinin Sahibkarlığa Kömək Milli Fondu noyabrın 8-i Ağsu rayonunda işgüzar forum keçirib. Rəsmi məlumata görə, forum zamanı Dağlıq Şirvan iqtisadi rayonunda fəaliyyət göstərən sahibkarlara 516 min manat güzəştli kredit verilib.
Kreditlərin taxılçılıq, heyvandarlıq, bağçılıq, arıçılıq, tütün emalı və s. sahələrin inkişafına yönəldiləcəyi, layihələrin reallaşdırılması nəticəsində 60-dan çox yeni iş yerinin açılmasının mümkün olacağı bildirilir.
Forumda qeyd olunub ki, Dağlıq Şirvan iqtisadi rayonunda verilən güzəştli kreditlərin ümumi həcmi 69,6 milyon manata çatıb.
