“Poçt haqqında” qanunda dəyişikliklər prezident İlham Əliyevin imzası ilə rəsmiləşərək qüvvəyə minib. Novator.az-ın məlumatına görə, qanuna xüsusi poçt rabitəsi xidməti barədə maddə əlavə olunub.
Xüsusi poçt rabitəsi xidməti “Dövlət sirri haqqında” qanunla qorunan məlumatların, qiymətli metalların, qiymətli daşların, zərgərlik məmulatlarının, qiymətli kağızların və xüsusi yüklərin göndərildiyi poçt göndərişlərinin qəbulunu, çeşidlənməsini, saxlanmasını, daşınmasını və ünvan sahiblərinə çatdırılmasını həyata keçirir.
Dövlət başçısının noyabrın 6-da imzaladığı fərmanla Nazirlər Kabinetinə üç ay müddətində xüsusi poçt rabitəsi xidmətinin göstərilməsi qaydalarını, habelə xüsusi yüklərin siyahısını müəyyən etmək tapşırılıb.
