Rafiq Hüseynov dəfn edildi
Noyabrın 3-ü Bakıda, Rəşid Behbudov adına Dövlət Mahnı Teatrında məşhur diktor, xalq artist Rafiq Hüseynovla vida mərasimi keçirilib. Mərasimə sənətkarın ailə üzvləri, yaxınları, sənət dostları, dövlət rəsmiləri, elm və mədəniyyət xadimləri, ziyalılar, ictimaiyyət nümayəndələri qatılıb.
Mərasimin ardınca mərhum sənətkar Yasamal qəbiristanlığında torpağa tapşırılıb. Hüzr mərasimi Heydər məscidində keçirilir.
Rafiq Hüseynov 1946-cı ildə Şuşa şəhərində anadan olub, Bakıda boya-başa çatıb. İndiki Azərbaycan Dövlət Mədəniyyət və İncəsənət Universitetini bitirib. 17 yaşından Azərbaycan Televiziyasında çalışıb, 1966-cı ildən diktor kimi fəaliyyət göstərib, müxtəlif rəhbər vəzifələrdə işləyib.
Ağciyər xərçəngindən əziyyət çəkən Rafiq Hüseynov oktyabrın 26-da Almaniyanın Düsseldorf şəhərində dünyasını dəyişib.
