Pirallahıda forum, güzəştli kreditlər
İqtisadiyyat Nazirliyinin Sahibkarlığa Kömək Milli Fondu noyabrın 2-də Bakının Pirallahı rayonunda işgüzar forum keçirib. Forumda Bakı qəsəbələrində fəaliyyət göstərən sahibkarlara 6,2 milyon manat güzəştli kredit verilib və bununla 100-dən çox iş yerinin açılmasına imkan yaradılacağı bəyan olunub.
Məlumat verilib ki, 2017-ci ildə 1360-dək sahibkarlıq subyektinin ümumi dəyəri 346 milyon manat olan investisiya layihəsinə 101,3 milyon manat güzəştli kredit ayrılıb.
İndiyədək Bakı və onun qəsəbələrinin sahibkarlıq subyektlərinin 397,8 milyon manat güzəştli kredit aldığı bildirilir.
