Azərbaycan nefti 62 dolları ötdü
Azərbaycan nefti noyabr ayına ilin rekord qiyməti ilə start verib. AZƏRTAC-ın 1 noyabr məlumatına görə, “AzəriLayt” markalı neftin bir barreli 62,20 dollara satılır.
Nyu-York birjasında “Layt” markalı neftin bir barrelinə 54,65 dollar, London birjasında “Brent” markalı neftin bir barrelinə 61,16 dollar qiymət qoyulub.
Azərbaycanın 2017-ci il büdcəsində neftin qiyməti 40 dollar hesablanıb. Novator.az bildirir ki, yanvarın əvvəlində “AzəriLayt” 55,97 dollara, fevralın əvvəlində 56,79 dollara, martın əvvəlində 56,68 dollara təklif olunub.
Aprel 53,62 dollarla, may 53,04 dollarla, iyun 51,01 dollarla, iyul 48,57 dollarla, avqust 53,60 dollarla, sentyabr 54,55 dollarla, oktyabr 57,51 dollarla start götürüb.
