Qiymət 60 dolları haqlayır
Oktyabrın 27-də Azərbaycan neftinin qiyməti yenə artıb. AZƏRTAC xəbər verir ki, “AzəriLayt”ın barreli 63 sent bahalaşaraq 59,70 dollara qalxıb.
Nyu-York birjasında “Layt” markalı neftin barreli 52,62 dollara, London birjasında “Brent” markalı neftin barreli 59,38 dollara təklif olunur.
Azərbaycanın 2017-ci il büdcəsində neftin qiyməti 40 dollar hesablanıb. Novator.az bildirir ki, il ərzində “AzəriLayt”ın ən yüksək qiyməti sentyabrın 26-da qeydə alınıb: 60,51 dollar.
Yanvarın əvvəlində “AzəriLayt” 55,97 dollara, fevralın əvvəlində 56,79 dollara, martın əvvəlində 56,68 dollara təklif olunub.
Aprel 53,62 dollarla, may 53,04 dollarla, iyun 51,01 dollarla, iyul 48,57 dollarla, avqust 53,60 dollarla, sentyabr 54,55 dollarla, oktyabr 57,51 dollarla start götürüb.
